وصلت افالون 2011 لدى الوكيل . . . وتستمر مهازل تويوتا!

اهلا شباب ومبارك عليكم الشهر!

<BLOCKQUOTE>
<BLOCKQUOTE>
<BLOCKQUOTE>اليوم خبروني بأن افالون 2011 وصلت في معارض بهوان وقلت خلني اروح اشوفها وخصوصا انه فيها شاشة ونافيجيشن . . . اول ما دخلت المعرض وشفت السيارة من الخارج كان الانطباع جيد والسيارة انيقة ولكن الزين ما يكمل خصوصا لو كانت تويوتا وبمواصفات خليجية! . . . انزين خلوني اكمل لكم السالفة . . . اول ما ركبت السيارة انصدمت من الشاشة الي موجودة فيها! . . . وجات لي كوماري لما شافتني راكب السيارة . . . وقلت لها الحين هالسيارة رقم واحد!؟ . . . قالت اي رقم واحد . . . قلت لها ليش الشاشة غير عن الي في امريكا!؟ . . . قالت لحظة اناديلك كومار هو خبير بهالسوالف . . . ووصل كومار وسألته اذا كانت هالسيارة هي رقم 1 وقال لي اي رقم 1 . . . قلت له وكيف فيها هالشاشة الي تقول مال السيارات الصينية ووين نظام النافيجيشن الي يجي مع سماعات JBL ؟ قال لي تويوتا ابدا ما نزلت بنظام JBL !؟ . . . قلت له وانت من متى شغال هني في تويوتا؟ قال لي من سنتين ونص! وقلت له متأكد انه ما في تويوتا نزلت بنظام JBL ؟ قال اي متأكد . . . وكانت في المعرض موجودة افالون 2010 . . . قلت له تعال شوي . . . وخذيته للافالون القديم وقلت له اركب وشوف شو النظام؟ . . . ركب وطلع وجهه متغير ومتفشل وقال JBL . . . على العموم ما علينا منه!

طبعا الاهم من مهزلة الشاشة هي مهزلة السعر والي وصل الى 15,750 ريال عماني! . . . بس الحمدلله انه رزق الانسان بعقل يفكر فيه قبل لا يشتري افالون بهالسعر!

واخليكم مع صورة الشاشة . . . وشوفوا الفرق بينها وبين الشاشة الي بالصورة الي تحتها لافالون جديدة على الزيروا موديل 2011 مواصفات امريكية معروضة في موقع eBay وبـ 13630 ريال عماني!
</BLOCKQUOTE></BLOCKQUOTE></BLOCKQUOTE>
الشاشة الي عندنا




الشاشة الي بأمريكا




وشكرا لكم!