كلمات شاب نصرو أغنية جميلة

لكان تعرفي شحال كنت نبغيك
ومتمنيك باش تكوني ليا
في قلبي مزالني مخبيك
والله وتروحي لطرف الدنيا
غير الله غالب لفراق جا من عندك
ونتي لي بلا سبة عاديتيني
خليتيني حتى والفتك
وفي لحظة وحدة هجرتيني
أنا صح كنت بقلبي نحبك
ليل ونهار خيالك مساميني
كنت نخاف نغلط ونجرحك
أنا قلبي عليك ما يهنيني
قاع لي صار ومزال ما نسيتك
مزالني عاقل عليك يا لي نسيتيني
جرحتيني عمري الجرح لي ما يبراش
وأنا لي جرحني ما نسحقوش باش يداويني
الخرجة نتاع ليوم طول عمري ما ننشهاش
كيفاش ننسى نهار لي فيه رخستيني


كنت بقدري وليوم ضحيت عندك ما نسواش
تالمو غاضتني عمري طاحت الدمعة من عيني
نار قلبي شعلت دموعي ما تفيهاش
واش من شر عملتوا فيك حتى بدلتيني
طلبتي لفراق بلاما نعرف علاش
وغير بلا سبة رحتي وجفيتيني
ربي عالم حتى شي عليه ما يخفاش
ويجيبلك السبة لي بيها تتفكريني
لكان لكان تعرفي شحال كنت نبغيك
مي البروبلام نتي ما تعرفيش
ولكان تعرفي شحال كنت متمنيك
طول عمرك فيا يا عمري ما تسمحيش
مزالني نحبك وفالقلب مخبيك
وفيك يا عمري حتى حاجة ما تنسينيش
كيفاش نرضى باش ليوم غيري يديك
ووين هو الماضي علاش علاش ما تتفكريش
شحال من مرة مسحتلك الدموع من عينك
ونقولك خليني نبكي مي نتي ما تبكيش
وقفت في كتافك فالشدة نضرب عليك
نقبل الحقرة لروحي مي نتي ما تنحقريش
وماكيش عارفا صح شحال كنت نحبك
أنا كنت نرقد وخيالك بين عينيا
الناس راقدا وأنا سهران مع خيالك
نخيلك مخدة ونزيرك بيديا
نتي صح مهبولة وزاد هبلني هبالك
ومين هبلتيني في لحظة غبتي عليا
علاش غير بين ليلة ونهار انقلب حالك
بعتيني بالرخيس رحتي سمحتي فيا
عجباتك الدنيا في هواها داتك
الدنيا صح غدارة ما بقات فيها نيّة
يا حسراه على زمان يوم عرفتك
وكي نتفكر تلعب الدموع في عينيا
تفكري وتفكري شحال وصيتك
قتلك غير عندك تديري لامان في هاذ الدنيا
الدنيا هجالة تدور وتغدرك
وآخرتها قاع تبقي للحسود شفاية
البروبلام واش من شر عملتوا فيك يالنكارة
ياك شي لي طلبتيه عطيتك
أنا والله ما كنت نظن فيك غدّارة
كنت ظانك مرى كيما تمنيتك
لكان جات للغدر والخدعة شطارة
سقسي عليا الناس تحكيلك
خسارة الشي لي ظنيتو فيك خسارة
وصح راني ندمان علاش حبيتك
كيتك راهي بقات في يدي مارة
ومزالني للأن ما نسيتك
ليوم فارقتيني وراني صابر
يا عمري أنا قلبي ضياق
مرانيش حاقد عليك
راني غير مع الموجة
نبكي طرف البحر وحدي ساهر
ونطلب ربي باش يهنيك
وأنا من زمان شاد في ربي وصابر
إنشاله إنشاله نقلى لي تنسيني فيك
بالألف بديت فالنظم نعبر
على ثلاثة من الحروف باقي قلبي فيهم مضرار
الألف والميم يردفها اللام مسطر
وقلبي ممحون في هواهم يا عشاق خاطري محتار
لو نحكيلك يا الرايس بيا ما صاير
تبكي عيانك ويصوطك مني لضرار
أنا قريت النية في محنة رماتني في بحر
عشيت تليف هايم ما نكسب دار
عشيت كي الطير المفقود ما صاب وكر
ونطلب فالسلاك من عدياني يا حضّار
واك لي داه الواد يطمع في شوك مكسر
وكي يجوع السبع يولي يطمع فالفار
هذا وين قريت وعرفت مقداري
وقيمة عند لي عطيتها قلبي هدية
هذا وين عرفت واش كنت جايب لداري
قريت مكتوب الزمان وكل خفية
عالجت بهموم خاطري كل ضراري
وكويت بنار حبها قلب النيّة
عفست على قلبي وخذيت قراري
يا الرايس نغلق باب العشق ونجدد مسعايا
ما تخلينيش ما تخلينيش وحدي فالعذاب
من غيرك أنت ما عنديش أحباب