ايستوار من لكبار العشق الممنوع - version DZ►

*فالحومة كانت عدنا جارة قاورية ، عندها طفل وطفلة

الطّفل كان صغير علينا بـ 3 سنوات أمّا الطفلة كانت صغيرة علينا بعام واحد

البنت هاذي يا خاوتي كانت قمّة فالجمال مالغري كنّا صغار ما نعرفو والو

مي حبّيناها ههههه ، كانت تقرى فمدرسة خاصة ( إكول بغيفي ) تخرج على

الثامنة تلقانا بين 3 ولاد حومة عند باب دارهم ، تولّي على الخمسة نفس الشّيء تلقانا واقفين ونضحكو ، وحد النهار هذا وليد حومة ( سفيان ) ضحكت معاه وطيحتلو(أون فغونسي) بيان سوغ ههههه السيّد ما يفهم والو والكبير فينا في عمرو 9 سنوات المفيد النهار هذاك الحومة مقلوبة رأسا على عقب سفيان هدر مع القاورية وقاتلو نحبّك بالفرونسي ههههه وكان نفس الشيء يحدث معي ( الفايسخوك طبعا ) وحد النهار ضحكت معايا وقالت كلمة بالفرونسي لليوم ومزال مافهمتها

المفيد أنا عجبتني الكلمة لي قالتها نشفى هذاك النهار على جالها حفظت غنية

لإيهاب توفيق هذاك الوقت كانت جديدة ، الحومة كامل سمعت بيّا وأنا كنت في قمّة

السعادة ممزوجة بالتساؤلات ههههههههههههه

bon كانت أيّامنا سعيدة إلى أن عرضتنا يمّاها لعيد ميلادها ، عرضتنا حنا الثلاثة

حنا دي آلجيريان ساكنين في حي شعبي ما عدناش هاد العقلية ديجا كان لي يدير عيد ميلاد فالحومة طبعا كنّا صغار لي جان الكبار يضحكو علينا كنّا ما نحبّوش عيد الميلاد تربّينا على هاد العقلية ولكن بما أنّه عيد الميقرية نروح حفيان

ستيكينا لبسنا مليح ورحنا لدارهم ، طلعنا للقاعة لي كانت فيها الحفلة

بعد 10 دقائق حان وقت الكادوات هنا ديرو الكاسك الحالة بدات تخشان

كانت الهدايا الممنوحة للميقرية روعة إماجين جابولها ميكرو في زمان الرصاص

حنا كنّا حاصلين فالوالكمان ، المهم ليس هنا بل في كادوات خاوتكم لي زالجيريان

المؤمن يبدا بنفسو أنا ( الفايسخوك طبعا ) مدّيتلها طرف صابون ريحة

جابتو جدّاتي معاها كي دارت عمرة قاتلي : يا وليدي مدّو للميقرية تغسل بيه

مع الصباح كي تنوض باش يفتح عليها ربّي ( الطفلة ماتعرفش ربّي كامل )

عزيز وليد حومة شرالها دب بوبون ويمّاه مدّتلو 4 حبات بيض

سفيان جاري المدعو اللّص سرق لخوها طيّارة ومدهالها هههههههههههههه

كان تقديم الهدايا تحت أنظار الحاضرين ( كامل قور) في قمّة التعجّب

كانت ليلة رائعة وكان هناك مشكل ◄أخطأنا وشربنا من كارطونة روج

والسبب هو سفيان أنا قتلو هذا الجو قارص ويحرق بلاك قديم هو قالنا هذا

تاع فرنسا نتوما واش تعرفو كيما كان الحال شربنا كاس بالسّيف باش كمّلناه

كملت السهرة كل واحد دخل لدارهم أنا وصلت للدار شربت كاس ماء

ونكلاطي بالقيا حشاكم ههههههههه كان رد فعل من شرب الخمر

رحت للسبيطار مع بابا نبكي وهو يعيّط ههههههه كانت أمسية سوداء

يومين موراها كنّا نلعبو ألاطاك ( حومة كونطر حومة بالحجر) رميت حجرة

بكل قوّة طاحت في راس الميقرية آه يا نهار أسود جا باباها بدا يعيّط وأنا

مخلوع ويرفد يدّو فالسماء ويخطفني بصقلة رآآاع زاد جبد الدوزيام وخطف رآاع

لي جان تاوعنا ما عجبهمش الحال ناضو عليه حبّو يضربوه داقتلو قالهم هاذي

حقرة وقرّر الرّحيل كيما كان الحال رحل , وتركت إبنته فراغا رهيبا في قلبي

صراحة أحببتها رغم صغر سنّي 9 سنوات وكنت أكره أباها

الآن وبعد أن أصبحت في مقتبل 21 سنة أدركت أنّ صفعة أبيها في وجهي كانت أحلى ذكرى لحب قد مضى بيني و بينها

شكرا...

هههههههههه واش تقولوا احبابنا مازال كاين لحب في بلادنا ولالا هههههههه بصح ايستوار من مقطوعين دراما 2030 هههههههه تصلح نديروها فيلم تخرج روعه