بسم الله الرحمان الرحيم
و الصلاة و السلام على سيدنا محمد و آله وصحبه
غادي نحاول ندوي بالدارجة و سمحولي
المهم النقطة الأولى و اللّي أثارت الإنتباه ديالي هي التحفظ ديال الإعلاميين حول بعض اللاعبين المغاربة الذين آثروا الإفطار على الصيام، بحيث أنه المعلق كان كيقول أن أغلبية اللاعبين المغاربة و الله أعلم كانوا صايمين (من الممكن أنهم يكونو كاملين صايمين و الممكن كذلك أنهم يكونو كاملين فاطرين و من الممكن...) و فالمقابل لاعبوا منتخب السينغال كانوا فاطرين كاملين با استثناء).
النقطة الثانية كذالك اللي لفتات الإنتباه ديالي هي الأداء الجيد و الرجولي ديال بدر القادوري، صراحة باستثناء لقاء الجزائر قليل فين شفتو لعب بهاد الطريقة المميزة، بحيث أنه لم يخسر و لو كرة واحدة و جميع التدخلات ديالو كانت موفقة إلى أبعد الحدود، الشيء اللي جعلني نعطيه رجل المقابلة، و من طبيعة الحال هاد الشي ماكاينتاقش من القيمة ديال باقي العناصر الوطنية اللي بصمت على مقابلة كبيرة خصوصا فالشوط الأول.
النقطة الثالثة و اللي كانعتابرها أهم نقطة من حيث قيمة الملاحظة و هي دخول يوسف العربي رسميا منذ البداية، و هو الذي كان حبيس دكة الإحتياط لا ف المقابلات الرسمية و لا فالمقابلات الحبية، و هادشي اللي كايفتح الباب على عدة تأويلات، شخصيا أعطي احتمال علاقة انتقال اللاعب لفريق الهلال بالرسمية التي اكتسبها الآن و التي غابت عنه عندما كان يمارس في فريق أقوى من فريق الهلال و في دوري أقوى من الدوري السعودي، بصيغة أخرى كانعتاقد (و العلم لله) أن غيريتس ضغط على العربي باش ينتاقل للهلال و استعمل هاد الورقة ديال الرسمية مع المنختب باش يقنعو... ما رأيكم في هذا ؟
من طرف 
