قصة( الحب الحزيــن)
هذا شخص يقال انه أحب فتاة حبا لا يتخيله بشر , وبطبيعة الحال فإن الفتاة بادلته العشق إن لم يكن أعظم, وحب البنت في بعض الأحيان يصل إلى درجة الجنون .
في يوم من الأيام أخبر هذا الرجل أنه سيموت بعد فترة لمرض ألم به, لم يحمل هم نفسه , بل حمل هم معشوقته , فأرسل هذه القصيدة إلى أعز أصدقائه يقول فيها:
وصاتي لك من بعدي ........ تموت فيها علشاني
ابيها تعيش و تحيا بك ....... واظل بالذاكره مفقود
وصاتي لـــك تنسيها ........ ملامح وجهي و تنساني
وتعزفها قصيدة حـب ........ على عكس اللي عزفته بعود
وصاتـي لك تبعدهـا ........ عن اشعاري وقيفاني
تراها مغرمـة بالحـيل ........ ويشهد لي عدد الردود
وصاتي لك تسايرها ........ ترى فيها من احزاني
طلبتك لايضـيق بالك ........ طلبتك والطلب مردود
وصاتي لك تناديها ........ حياتي..عمري..ازماني
انا عودتــها دايــم ........ ادلعها وانا موجود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحــة تـبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ..... طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ...... وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قانــي
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى خالد....رحل مايعود
من طرف 
