حس إنك...ما تحس.!

وأنادي لك!

من آخر حيل في صوتي ..

من آخر ليل في موتي ..

أبي تَسْمع،

أبي تَدْمع،

أبي تطفي شموع الظن!

تَعَبت آشك في أكبر يقين ولا يجيني راي!

تعَبت آدك ما يُبنى وسط بالي من قصورك!!

وعادي لو/ تَغِيب ولو/ تَعَوْد ولو/ تِحِبْ ولو..

لَوَيْت أعناق هالعتمة وَجِيتك ضو..

وكان الفجر يتنحنح على جفني..

وأنا أسأل: ليه ما نمتك،

قَبل هالفجر يصْفَعْني؟!

قَبل هالنور يَمْنَعني؟!

أعِيش أعمى وسط ليلك..

تَدَوج الريح وأتساهل مصابي..

تعج الرجل وأتحسس مصيري..

يفز الصبر وأتخثر مواني..

يطول الدم وأتنثر أغاني..

نسيتك ليـن ما كنِّي نسيتك..

ذكرتـك ليــن ما كنِّي ذكرتك..

عشَقْتك ليــــن ما كنِّي عشقتك..

وقلِّي كيف أبوصفها؟!

وقلِّي كيف أبقطفها؟!

عناقيدٍ تدلت آه..

مواقيدٍ تجلت آااه..

وأنا بِسْلال هالموعد، أنادي هالهوى وأقطف (ولا حاجة)!

رَغم وأقطف (ولاحاجة)،

رجَعت وممتلي بالـ"لاء"..

رجعت وعاري الأشياء..

يقول أسهب..

يقول أنهب..

يقول اصطاد ما تقدر تصيده..

يقول اعتـاد ما تقدر تجيده..

وأنادي الطين في صدري عَتب وإغواء..

وصوت الشمس في عذري تصب أضواء..

كثير أضواء..

كثير أضواء.

وباقي وسط هالعتمة أرتب للسنا..أجواء..

مُحِيط..أشبه...بلذة هالبكا (للناي)،

إذا مـَ الريح هبَّت به نغم وفْحِيح!!

ستايرنا هي الأفعى..

هلل..وارميه..

صخب وأنفاس لها ترعى..

صخب تصفيق!!

كفوف الدار طربانة على بكانا..

تجي ونفيق من وعي الكفوف وننهر التصفيق..

تعال وقدِّ..من سمل الجدار شقوق..

وأنا الشاهد على هالجبس..

إذا رأب العيون أدماك..

تعال وحس..بأنك يا عنا مَـ تْحس..

تعال وحس بأنك للأسف مَـ تْحس !
.
.
.

بالمحكي
.
.

لايمكن ان نشعر اننا ما نحس

ميييييييرسي ليك شرف

ايه احيانا

العفو

انا ايضا لايمكنني ان احس بانني لااحس مارسي شرف

علي الرحب

نصيــــــــــــــــــــــرة