قالك واحد من اثيوبيا جا للجزائر امالا اعطاولو خبزة (مطلوع)كي رجع لاثيوبيا فتح بيها كوشة(مخبزة
قالك واحدة من الصومال كلات حبة حمص،حسبوها راهي حامل
قالك واحد الناس كانت عندهم حفرة كبيرة،و الناس يطيحو فيها بزاف و يتكسرو،امالا جاو تاع البلدية باش يحلو المشكل،قعدو يعطو في اراءهم،واحد قالهم نبنو سبيطار هنا،الثاني قالهم لالا نجيبو سيارة اسعاف هنا،غير الي يطيح توصلو للسبيطار،الثالث قالهم لالا هاكاك التكاليف بزاف،يلزم نغلقو هاذ الحفرة و و نحفرو واحدوخرا كيفها قدام السبيطار
قالك واحد بخيل كان فوق باطيمة،طاحتلو 10دينار،حبط يجري باش يجيبها،كي وصل مالقاهاش،لاخاطرش وصل قبلها
قالك واحد في رمضان عيط للاذاعة،قاتلو المذيعة واش تحب تسمع،قالها مقطع من اذان المغرب
قالك جابو امريكي و جزايري و فرنسي ضاعو في الصحراء،جا ليهم جني قالهم تمناو اي حاجة نحققها،الماريكاني قالو اديني لبلادي امالا حققلو الامنية تاعو،الفرنسي قالو نفس الامنية و حققهالو،الجزايري قالو نتمنى باش ترجعهم في زوج
قالك واحد طالياني و جزايري كانو مع بعض في طيارة،الجزايري قال للطالياني انتوما باه مشهورين،الطالياني عيطت للمضيفة هدر معاها و سرقلها ساعتها بلا ما تحس،و مبعد قال للجزايري انتوما باه مشهورين،امالا الجزايري عيطلها قالها هذا سرقلك ساعتك
من طرف 
