بسم الله الرحمان الرحيم
السلام عليكم
/////////////
عيب وعار نتيجة البارحة على منتخب يمثل دولة بأكملها دولةالشعب ديالها متنفسه الوحيد كرة القدم..
هذا الرئيس ديال الجامعة كيضحك علينا ويستهزئ منا .. بتسيير فاشل .. من جا الجامعة والهزات الكروية واحدة تلو الأخرى ..
عندناأطر وطنية وعندنا كل شئ .. لكن هذا السي الفهري ماعرفناش كيف كيفكر وشنوا باغي من المنتخب .. وعلاش عين مدرب وهو لا زال مع نادي آخر ..
علاش السي شنوا دارلك الشعب حتى تعمل فيه هذا المصائب شوهتوا تاريخ الكرة المغربية ..
في الماضي قلنا جامعة جديدة .. نخليوهم يخدموا على خاطرهم .. وسكتنا وقلنا دابا يتصلح كلشي ويتعلموا من تجارب الماضي ويدفعوا بالكرة الوطنية إلى الأمام ..
---------
--------------------
وإذا كان هذا هو المنتخب اللي غادي يمثلنا في النهائيات .. بلاش ما يتأهل ؟. أصلا غادي يجيب لراسو غي شوهة .. إذا كان ما قدرش يربح في بلاده شنوا كتسناو منه يحقق في بلادات الغير ..
حنا إذا بغينا نزيدوا القدام .. خاصنا نقلعوا جدور ديال الجامعة ونغرسوا وحدة أخرى .. واللاعبين حدث ولا حرج .. من غير 2 ولا 3 كلهم برا ما بقاوش تينفعوا
غير يرجعوا منين جاو .. قاليك الإحتراف والتكوين ..؟
-------------
ديما كنت كنشجع المنتخب الوطني .. لكن هذا المرة في شي حاجة ناقصة .. ناقصة الروح الوطنية والقتالية ..
ناقصين لعابة يكونوا يبغيو يلعبوا الكرة .. ماشي مين يشدوها يتخلصوا منها بتشتيتها ..
وما عرفتشي البارح كلشي كان غضبان وخارج التغطية وكأنهم ماتيعرفوش بعضهم ..¡¡
وداك السي المدرب علاش داروه .. ماشي باش يلقالهم حلول ..
الراتب كيتسناه آخر الشهر .. والمنتخب ما قدرش يلقالوا حل شنوا هذا التخربيق ..
لقد طفح الكيل .. يا فهري .. يا منصف يا وزير .. يا شعب تكلموا عبروا إنتقدوا ..
لكن في حدود الصواب وبلا جنون..
أختكم في الله
--------
والسلام عليكم
من طرف 
